Tere Firaq Ke Lamhe Shumar Karte Huye
Bikhar Gae Hain Tera Intazaar Karte Huye
Tou Mein Bhi Khush Hun Koi Os Se Ja Ke Keh Dena
Agar Wo Khush Hai Mujhe Be-Qaraar Karte Huye
Tumhain Khabar He Nahi Hai Ke Koi Toot Gaya
Mohabbaton Ko Bohat Paedaar Karte Huye
Mein Muskurata Howa Aainay Mein Ubhron Ga
Wo Ro Pare Gi Achanak Singhar Karte Huye
Mujhe Khabar Thi Ke Ab Lout Ke Na Aaon Ga
So Tujh Ko Yad Kiya Dil Pe Waar Karte Huye
Wo Keh Rahi Thi Ke Samundar Nahi Hain Aankhain Hain
Mein Un Mein Doob Gaya Aitebaar Karte Huye
Bhanwar Jo Mujh Mein Paray Hain Wo Mein He Janta Hun
Tumhare Hijr Ke Darya Ko Paar Karte Huye
Post A Comment:
0 comments: